BAYARDUS Pet. Terralius

BAYARDUS Pet. Terralius

cognomine Eques imperterritus, nobilis Delphinas. Sub Carolo VIII. Neapolitanum regnum sibi vindicante egregia fortitudinis specimina edidit, inprimis in praelio ad Furnoam. Dein sub Ludovico XII. in occupatione Ducat. Mediolanensis praeclare rem gessit; inde Neapolim remissus, contra 200. equites solus pontem tuitus est. Exin contra Genuenses rem gessit, Paravii obsidioni interfuit, Comitissam Mirandulae, et Ducem Ferrariensem iuvit. Duci Nemorosio, contra Andream Gritti, Venetarum copiarum Ducem, praesto fuit, sub cuius auspiciis eriam Brixiam cepit: Ubi hospitis sui filiabus, oblatos 2000. dupliones, ne domus diripererut, reddidit. Post Delphinatus praefectus, interfuit obsidioni Pompeiopolis, et praelio Calcarium, quô captus. Hinc postmodum liberatus Francisco 1. contra Helvetios, ad Marignianem adstitit, qui ab illo Eques creari voluit, eius amplexus, l'accolade, ad veterum morem, initiatus. Tandem vulnere in Italia acceptô, pugnans obiit, A. C. 1524.